ការបណ្តុះបណ្តាលនិស្សិតថ្នាក់បរិញ្ញាបត្រជាន់ខ្ពស់ធុរកិច្ច ឯកទេសហិរញ្ញវត្ថុ មានគោលបំណងឱ្យនិស្សិតមានចំណេះដឹងខ្ពស់ ផ្នែកហិរញ្ញវត្ថុសាជីវកម្ម ការគ្រប់គ្រងហិរញ្ញវត្ថុអន្តរជាតិ ការវិនិយោគ និងការគ្រប់គ្រងទីផ្សារហិរញ្ញវត្ថុ។

ក្រោយពីការសិក្សាបរិញ្ញាបត្រជាន់ខ្ពស់ធុរកិច្ច ឯកទេសហិរញ្ញវត្ថុ នាំឱ្យនិស្សិតមាន៖

ក. ចំណេះដឹង

• ពន្យល់ពីហិរញ្ញវត្ថុសាជីវកម្ម ស្ថាប័ន និងទីផ្សារហិរញ្ញវត្ថុ វិនិយោគ និងហិរញ្ញវត្ថុអន្តរជាតិ
• ព្យាករស្ថានភាពហិរញ្ញវត្ថុរបស់ក្រុមហ៊ុន និងទីផ្សារ
• ប្រើប្រាស់ព័ត៌មាន និងរបាយការណ៍ហិរញ្ញវត្ថុ។

ខ. ជំនាញក្នុងការគិត

• វិភាគ និងដោះស្រាយបញ្ហាហិរញ្ញវត្ថុក្នុងក្រុមហ៊ុន
• វាយតម្លៃ និងសម្រេចចិត្តជ្រើសរើសគម្រោងហិរញ្ញប្បទាន និងវិនិយោគ
• រៀបចំផែនការហិរញ្ញវត្ថុរបស់ក្រុមហ៊ុន។

គ. ជំនាញទំនាក់ទំនងអន្តរបុគ្គល និងការទទួលខុសត្រូវ

• ធ្វើការងារជាលក្ខណៈបុគ្គល និងជាក្រុមក្នុងស្ថាប័ន និងទីផ្សារហិរញ្ញវត្ថុ ប្រកបដោយមាន
  ការទទួលខុសត្រូវ និងក្រមសីលធម៌វិជ្ជាជីវៈ។
• ប្រកបដោយក្រមសីលធម៌វិជ្ជាជីវៈ និងការទទួលខុសត្រូវ

ឃ. ជំនាញលេខនព្វន្ត ព័ត៌មានវិទ្យា និងទំនាក់ទំនង

• ប្រមូល គណនា និងវិភាគទិន្នន័យហិរញ្ញវត្ថុ
• អនុវត្តកម្មវិធីកុំព្យូទ័រទាក់ទងនឹងជំនាញ។

និស្សិតអាចក្លាយជា

• អ្នកជំនាញផ្នែកហិរញ្ញវត្ថុ
• ហិរញ្ញិក
• គណនេយ្យករ ជាដើម នៅក្នុងវិស័យជាច្រើន ដូចជាវិស័យហិរញ្ញវត្ថុ និងវិស័យពាក់ព័ន្ធផ្សេងទៀត។