កម្មវិធីអប់រំបរិញ្ញាបត្រធនាគារ និងហិរញ្ញវត្ថុត្រូវបានរៀបចំឡើងដើម្បីផ្តល់ឱ្យអ្នកសិក្សានូវចំណេះដឹង និងជំនាញពិតប្រាកដទាក់ទងនឹងធនាគារ និងហិរញ្ញវត្ថុ។

កម្មវិធីនេះនឹងបណ្តុះបណ្តាលនិស្សិតអោយទទួលនូវសមត្ថភាពខ្ពស់សំរាប់ឆ្លើយតបទីផ្សារការងារ និងការងារជំនាញក្នុងវិស័យធនាគារ និងហិរញ្ញវត្ថុ។

បន្ទាប់ពីបញ្ចប់ការសិក្សាថ្នាក់បរិញ្ញាបត្រធនាគារ និងហិរញ្ញវត្ថុអ្នកសិក្សានឹងអាច៖

ក.ចំណេះដឹង

• កំណត់អត្ថន័យ នៃទស្សន:ដែលពាក់ព័ន្ធនឹងវិស័យធនាគារ និងហិរញ្ញវត្ថុ
• បកស្រាយអំពីទំនាក់ទំនងនៃសកម្មភាពនៅក្នុងវិស័យសេដ្ឋកិច្ច ធនាគារ និងហិរញ្ញវត្ថុ។

ខ.ជំនាញក្នុងការគិត

• វិភាគ និងវាយតម្លៃលើប្រតិបត្តិការរបស់ធនាគារ និងទីផ្សារហិរញ្ញវត្ថុ
• ស្វែងរកយុទ្ធសាស្រ្តនៃការគ្រប់គ្រងធនាគារ
• បង្កើត និងអភិវឌ្ឍគម្រោងផែនការហិរញ្ញវត្ថុ។

គ.ជំនាញទំនាក់ទំនងអន្តរបុគ្គលនិងការទទួលខុសត្រូវ

• អាចធ្វីការងារជាក្រុម និងដោះស្រាយបញ្ហាដែលកើតមានឡើងនៅក្នុងធនាគារ និងស្ថាប័នហិរញ្ញវត្ថុ
• ស្រាវជ្រាវចំណេះដឹង បច្ចេកទេសថ្មីៗនៅក្នុងប្រព័ន្ធធនាគារ និងហិរញ្ញវត្ថុ
• អនុវត្តជំនាញផ្នែកធនាគារ និងហិរញ្ញវត្ថុ ប្រកបដោយក្រមសីលធម៌ និងទំនួលខុសត្រូវនៅក្នុងសង្គម។

ឃ.ជំនាញលេខនព្វន្ត ព័ត៌មានវិទ្យា និងទំនាក់ទំនង

• វិភាគរបាយការណ៍ហិរញ្ញវត្ថុការគណនាអត្រាការប្រាក់ និងអត្រាប្តូរប្រាក់
• អាចភ្ជាប់ទំនាក់ទំនងការងារយ៉ាងមានប្រសិទ្ធភាពនៅក្នុងស្ថានភាពខុសៗគ្នា និងសមាហរណកម្មអន្តរជាតិ។

ក្រោយពីទទួលបានបរិញ្ញាបត្រធនាគារ និងហិរញ្ញវត្ថុអ្នកសិក្សាអាចទទួលបាននូវឱកាសការងារដូចខាងក្រោម៖

-ការងារជាមួយនឹងស្ថាប័នរដ្ឋ រួមមាន៖

• ធនាគារជាតិ
• ពន្ធដារ
• គណៈកម្មាការមូលបត្រកម្ពុជា
• ក្រសួងសេដ្ឋកិច្ច និងហិរញ្ញវត្ថុ
• ក្រសួងផ្សេងៗ

-ការងារជាមួយនឹងស្ថាប័នឯកជន រួមមាន៖

• ធនាគារផ្សេងៗ (ធនាគារពាណិជ្ជ ធនាគារឯកទេស…)
• គ្រឹះស្ថានម៉ៃក្រូហិរញ្ញវត្ថុ
• ទីផ្សារមូលបត្រ
• អន្តរការីមូលបត្រ
• ក្រុមហ៊ុនធានារ៉ាប់រង
• ក្រុមហ៊ុនផ្សេងៗ

-ការងារជាមួយនឹងអង្គការផ្សេងៗ

• អង្គការជាតិ
• អង្គការអន្តរជាតិ