កម្មវិធីអប់រំបរិញ្ញាបត្រគ្រប់គ្រងទេសចរណ៏ និងបដិសណ្ឋារកិច្ចបានរៀបចំឡើងដើម្បីផ្តល់ឱ្យអ្នកសិក្សានូវចំណេះដឹង និងការយល់ដឹងពីទស្សនទានទេសចរណ៏ និងបដិសណ្ឋារកិច្ច ។

កម្មវិធីនេះបណ្តុះបណ្តាលនិស្សិតនូវជំនាញច្បាស់លាស់ដែលទាក់ទងនឹងទេសចរណ៏ និងបដិសណ្ឋារកិច្ច ក្នុងវិស័យទេសចរណ៏។

បន្ទាប់ពីបញ្ចប់ការសិក្សាថ្នាក់បរិញ្ញាបត្រគ្រប់គ្រងទេសចរណ៏ និងបដិសណ្ឋារកិច្ច អ្នកសិក្សានឹងអាច៖

ក.ចំណេះដឹង

• កំណត់អត្ថន័យនៃទស្សនៈ ដែលពាក់ព័ន្ធទៅនឹងសេដ្ឋកិច្ច ការគ្រប់គ្រង ទេសចរណ៍ និងបដិសណ្ឋារកិច្ច
• បកស្រាយអំពីទំនាក់ទំនងនៃសកម្មភាពសេដ្ឋកិច្ច និងការអភិវឌ្ឍក្នុង ឧស្សាហកម្មទេសចរណ៍។

ខ.ជំនាញក្នុងការគិត

• វិភាគ និងវាយតម្លៃលើការងារពាក់ពន្ធ័នឹងមុខជំនាញគ្រប់គ្រងទេសចរណ៍ និងបដិសណ្ឋារកិច្ច
• ស្វែងរកយុទ្ធសាស្រ្តបំពេញតម្រូវការទីផ្សារសេវាកម្មទេសចរណ៍ និងបដិសណ្ឋារកិច្ច
• បង្កើត និងអភិវឌ្ឍគម្រោងផែនការគ្រប់គ្រងការងារទេសចរណ៍។

គ.ជំនាញទំនាក់ទំនងអន្តរបុគ្គលនិងការទទួលខុសត្រូវ

• ធ្វើការងារជាក្រុម និងដោះស្រាយបញ្ហាដែលកើតមានឡើងនៅក្នុងការងារទេសចរណ៍ និងបដិសណ្ឋារកិច្ច
• ស្រាវជ្រាវបច្ចេកទេសថ្មីៗលើការងារទំនាក់ទំនងក្នុងឧស្សាហកម្មទេសចរណ៍
• អនុវត្តជំនាញក្នុងការគ្រប់គ្រងទេសចរណ៍ និងបដិសណ្ឋារកិច្ច ប្រកបដោយ ក្រមសីលធម៌ សុជីវធម៌ និងមានទំនួលខុសត្រូវនៅក្នុងវិជ្ជាជីវៈ។

ឃ.ជំនាញលេខនព្វន្ត ព័ត៌មានវិទ្យា និងទំនាក់ទំនង

• អនុវត្តកម្មវិធី Softwareក្នុងការងារទេសចរណ៍
• ភ្ជាប់ទំនាក់ទំនងការងារក្នុងឧស្សាហកម្មទេសចរណ៍ ទៅតាមវប្បធម៌ ជាតិសាសន៍ និងទំនៀមទម្លាប់ខុសៗគ្នាក្នុងកម្រិតជាតិ និងអន្តរជាតិ ។

ក្រោយពីទទួលបានបរិញ្ញាបត្រគ្រប់គ្រងទេសចរណ៏ និងបដិសណ្ឋារកិច្ច អ្នកសិក្សាអាចទទួលបាននូវឱកាសការងារដូចខាងក្រោម៖

-ការងារជាមួយនឹងស្ថាប័នរដ្ឋ រួមមាន៖

• ក្រសួងទេសចរណ៏
• ក្រសួងការបរទេស
• គណៈកម្មាធិការបុណ្យជាតិ
• ក្រសួងបរិស្ថាន។

-ការងារជាមួយនឹងស្ថាប័នឯកជន រួមមាន៖

• សណ្ឋាគារ
• ភោជនីយដ្នាន
• ក្រុមហ៊ុនអាកាសចរណ៏
• ទីភ្នាក់ងារទេសចរណ៏
• មគ្គទេសក៏ទេសចរណ៏
• ក្រុមហ៊ុនរៀបចំពិធី
• ក្រុមហ៊ុននាវាចរណ៏
• ក្រុមហ៊ុនផ្គត់ផ្គង់សេវាកម្មអាហារ និងភេសជ្ជៈ
• ក្រុមហ៊ុនដឹងជញ្ជូន។

-ការងារជាមួយនឹងអង្គការផ្សេងៗ

• អង្គការជាតិ
• អង្គការអន្តរជាតិ។