សូមគោរពរាយការណ៍ជូនឯកឧត្តម លោកជំទាវ មេត្តាជ្រាបថា នាព្រឹកថ្ងៃព្រហស្បតិ៍ ទី១២ ខែមករា ឆ្នាំ២០២៣នេះ នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្រ្តសេដ្ឋកិច្ច មានកិត្តិយសបានរៀបចំបាឋកថាស្តីពី “ភាពជាអ្នកដឹកនាំ នវានុវត្តន៍ និងគុណាធិបតេយ្យក្នុងរដ្ឋបាលសាធារណ:” ក្រោមអធិបតីភាពដ៏ខ្ពង់ខ្ពស់ ឯកឧត្តម ព្រុំ សុខា រដ្ឋមន្ត្រីក្រសួងមុខងារសាធារណ: និងជាប្រធានគណ:កម្មាធិការកែទម្រង់រដ្ឋបាលសាធារណ:។ ក្នុងពិធីនៃការធ្វើបាឋកថានេះក៏មានការចូលរួមពីគណ:គ្រប់គ្រងសាកលវិទ្យាល័យ និស្សិត និងសមាជិក សមាជិកាក្រុមការងារយុវជនស្ម័គ្រចិត្ត ស.ស.យ.ក. ប្រចាំនៅសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច ចំនួន ៣៥០នាក់។ សូមគោរពអរគុណ៕
