ដាក់ពាក្យឥឡូវនេះ! ការដាក់ពាក្យប្រលងចូលរៀន ក្នុងកម្មវិធីសិក្សាអន្តរជាតិ ដែលទទួលបានសញ្ញាបត្រពីរ ផ្នែកសេដ្ឋកិច្ចនិងគ្រប់គ្រង សម្រាប់ឆ្នាំសិក្សា២០២៣-២០២៤ ចាប់បើកហើយ។ មានកម្មវិធីសិក្សាថ្នាក់បរិញ្ញាបត្រចំនួន១ និងថ្នាក់បរិញ្ញាបត្រជាន់ខ្ពស់ចំនួន​៣ សម្រាប់ជ្រើសរើស មានដូចជា៖

• ថ្នាក់បរិញ្ញាបត្រ សេដ្ឋកិច្ចនិងគ្រប់គ្រង ទទួលបានសញ្ញាបត្រពីរ សហការជាមួយសាកលវិទ្យាល័យលីយ៉ុង២ (ប្រទេសបារាំង)។ មានជម្រើសចំនួនពីរដែលអាចជ្រើសរើស៖ ជម្រើសទី១ រៀនពីរភាសា គឺភាសាបារាំងនិងភាសាអង់គ្លេស និងជម្រើសទី២ រៀនជាភាសាអង់គ្លេស១០០%។ អាចមានឱកាសទទួលបានអាហារូបរណ៍រយៈពេល ៣ ឆ្នាំជាប់គ្នាពី Credit Bureau Cambodia។​
• ថ្នាក់បរិញ្ញាបត្រជាន់ខ្ពស់ សហគ្រិនភាពនិងគ្រប់គ្រងគម្រោង ទទួលបានសញ្ញាបត្រពីរ សហការជាមួយសាកលវិទ្យាល័យលីយ៉ុង២ (ប្រទេសបារាំង)។ ថ្នាក់ពេលយប់ (ចាប់ពីម៉ោង ៦ ដល់ ៩ យប់ ពីថ្ងៃចន្ទ ដល់ ថ្ងៃសុក្រ)។ រៀនជាភាសាអង់គ្លេស១០០% ជាមួយអ្នកជំនាញក្នុងស្រុក និងសាស្ត្រាចារ្យមកពីប្រទេសបារាំង។
• ថ្នាក់បរិញ្ញាបត្រជាន់ខ្ពស់ គ្រប់គ្រងហានិភ័យ ក្នុងវិស័យធានារ៉ាប់រង ធនាគារ និងហិរញ្ញវត្ថុ ទទួលបានសញ្ញាបត្រពីរ សហការជាមួយសាកលវិទ្យាល័យណង់ (ប្រទេសបារាំង)។ ថ្នាក់ពេលយប់ (ចាប់ពីម៉ោង ៦ ដល់ ៩យប់ ពីថ្ងៃចន្ទ ដល់ ថ្ងៃសុក្រ) ។ រៀនជាភាសាអង់គ្លេស១០០% ជាមួយអ្នកជំនាញក្នុងស្រុក និងសាស្ត្រាចារ្យមកពីប្រទេសបារាំង។
• ថ្នាក់ថ្មី​​! ថ្នាក់បរិញ្ញាបត្រជាន់ខ្ពស់ ពាណិជ្ជកម្ម និងសេដ្ឋកិច្ចអឺរ៉ុប-អាស៊ី ទទួលបានសញ្ញាបត្រពីរ សហការជាមួយសាកលវិទ្យាល័យរ៉ែន ២ (ប្រទេសបារាំង)។ ថ្នាក់ពេលយប់ (ចាប់ពីម៉ោង​ ៦ ដល់ ៩ យប់ ពីថ្ងៃចន្ទ ដល់ ថ្ងៃសុក្រ) ។ រៀនជាភាសាអង់គ្លេស១០០% ជាមួយអ្នកជំនាញក្នុងស្រុក និងសាស្ត្រាចារ្យមកពីប្រទេសបារាំង។

Enrollment to Rule's English-based dual master's degrees in international law is now open. We receive applications for: -the dual master's degree in public international law (RULE-Paris University): https://ddprule.org/master-in-public-and-international-law/ -the dual executive master's degree in international business law (RULE-ULB): https://ddprule.org/executive-master-in-international-business-law-from-cambodia-and-belgium/ Both programs are highly qualitative and feature the following advantages: -Students graduating will receive 2 master's degrees in law from RULE and the partner university; -Students enrolled will learn from an international faculty composed of tenured law professors from the world's leading universities, at RULE; -Students enrolled will have limited access to exchange opportunities in Western European universities; -Study in the evening, week days at RULE, from 6 to 9pm. to build your professional career while pursuing graduate specialized education. Interested? Visit our website https://ddprule.org/ Or call +855 69 990 197 (KH/EN/FR) Registration forms are accessible here starting today: https://lnkd.in/gFS5q97d Entrust us with your graduate education and join the most qualitative master's programs in law available in Cambodia!

សិក្ខាសាលា University Industry-Academia Collaboration Recruitment Program for 2023-2024 Graduates ថ្ងៃព្រហស្បតិ៍ ៤រោច ខែបឋមាសាឍ ឆ្នាំថោះ បញ្ចស័ក ព.ស. ២៥៦៧ រាជធានីភ្នំពេញ, ថ្ងៃទី៦ ខែកក្កដា ឆ្នាំ២០២៣។

[ចាប់ផ្តើមទទួលចុះឈ្មោះសម្រាប់ការប្រឡងចូលរៀន]

ថ្នាក់បរិញ្ញាបត្រនីតិសាស្ត្រសិក្សាជាភាសាអង់គ្លេស (ELBBL)សូមជម្រាបជូនដំណឹងថាកម្មវិធីកំពុងបើក ទទួល ចុះឈ្មោះនិស្សិតដើម្បីប្រឡងចូលរៀនក្នុងកម្មវិធីសម្រាប់ឆ្នាំសិក្សាឆ្នាំ២០២៣-២០២៤ ចាប់ពីថ្ងៃនេះ រហូតដល់ថ្ងៃទី២៧ ខែកក្កដា ឆ្នាំ២០២៣។ ការប្រឡងចូលរៀនក្នុងកម្មវិធីរួមមាន ការប្រឡងសមត្ថភាពភាសាអង់គ្លេស និងការសម្ភាសន៍ផ្ទាល់មាត់។

កាលបរិច្ឆេទប្រឡងលើកទី១៖ ថ្ងៃទី២៩ ខែកក្កដា ឆ្នាំ២០២៣

កាលបរិច្ឆេទសម្ភាសន៍៖ ថ្ងៃទី១៦ ខែសីហា ឆ្នាំ២០២៣

លក្ខខណ្ឌក្នុងការចូលរៀន៖ មានសញ្ញាបត្រឆ្នាំសិក្សាមូលដ្ឋាន(ក្នុងឆ្នាំសិក្សា២០២១-២០២២ ឬ២០២២-២០២៣) ឬមានសញ្ញាបត្របរិញ្ញាបត្រ។

ព័ត៌មានបន្ថែមស្តីពីថ្នាក់បរិញ្ញាបត្រនីតិសាស្ត្រសិក្សាជាភាសាអង់គ្លេស: https://rb.gy/l49js 

ទំនាក់ទំនងថ្នាក់បរិញ្ញាបត្រនីតិសាស្ត្រសិក្សាជាភាសាអង់គ្លេស  តាមរយៈ

សារអេឡិចត្រូនិក: info@elbbl.org 

ទូរសព្ទ: 016 643 699

កម្មវិធីថ្នាក់បរិញ្ញាបត្រជាន់ខ្ពស់នីតិសាស្រ្តសិក្សាជាភាសាអង់គេ្លស (English Language Based Master of Law (ELBML) Program) មានកិត្តិយសសូមជម្រាបជូនដំណឹងថា កម្មវិធីកំពុងបើកទទួលចុះឈ្មោះនិស្សិតដើម្បីប្រឡងចូលរៀនក្នុងកម្មវិធី សម្រាប់ឆ្នាំសិក្សាឆ្នាំ២០២៣-២០២៤ ចាប់ពីថ្ងៃនេះ រហូតដល់ថ្ងៃទី០១ ខែកញ្ញា ឆ្នាំ២០២៣។ ការប្រឡងចូលរៀនក្នុងកម្មវិធីរួមមាន ការប្រឡងចំណេះដឹងផ្នែកច្បាប់ និងការប្រឡងចំណេះដឹងភាសាអង់គ្លេស។

• កាលបរិច្ឆេទប្រឡង៖ ថ្ងៃទី០៥ ខែសីហា ឆ្នាំ២០២៣
• កាលបរិច្ឆេទចូលរៀន៖ ថ្ងៃទី០២ ខែតុលា ឆ្នាំ២០២៣
• ចុះឈ្មោះប្រឡងចូលរៀនក្នុងកម្មវិធី ELBML តាមរយៈ Link ខាងក្រោម៖​https://forms.gle/PPNimZtu6puHkYg4A

• ទូរស័ព្ទលេខ៖ +855 16 643 699
• អ៊ីម៉ែល: info-elbml@elbbl.org

នាព្រឹកថ្ងៃទី២ ខែមីនា ឆ្នាំ២០២៣ គណៈកម្មាធិការជាតិរៀបចំការបោះឆ្នោតបានរៀបចំវគ្គអប់រំផ្សព្វផ្សាយស្ដីពី "សារៈសំខាន់នៃការបោះឆ្នោតនៅកម្ពុជា" ក្រោមអធិបតីភាពដ៏ខ្ពង់ខ្ពស់ឯកឧត្តម ហង្ស ពុទ្ធា សមាជិកនិងជាអ្នកនាំពាក្យ គ.ជ.ប. ជូនដល់គណៈគ្រប់គ្រង មន្ត្រីរាជការ សាស្ត្រាចារ្យ បុគ្គលិក និងនិស្សិតចំនួន៣០០នាក់នៅសហសាលBនៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។

រាជធានីភ្នំពេញ៖ នាព្រឹក ថ្ងៃពុធ ១០កើត ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី០១ ខែមីនា ឆ្នាំ២០២៣ គណៈគ្រប់គ្រងនៃសាកលវិទ្យាល័យភូមិន្ទនីតិសាស្រ្ដ និងវិទ្យាសាស្រ្ដសេដ្ឋកិច្ច៖ ១. លោកសាកលវិទ្យារង យិត សូវួច ២. លោកសាកលវិទ្យារង ពៅ សារឿន ៣. លោកសាកលវិទ្យារង សឿន សោភ័ណ ៤. លោកសាកលវិទ្យារង ប៊ុន រស្មី ៥. លោកស្រី យក់ បញ្ញាតី ប្រធានការិយាល័យទំនាក់ទំនងអន្ដរជាតិ បានផ្ដល់ប្រាក់ឧបត្ថម្ភ ដែលទទួលបានពី មូលនិធិ Mitsubishi UFJ Foundation  ជូនដល់និស្សិតនៃសាកលវិទ្យាល័យភូមិន្ទនីតិសាស្រ្ដ និងវិទ្យាសាស្រ្ដសេដ្ឋកិច្ច ចំនួន ១០រូប ដែលជានិស្សិតរៀនពូកែ និងមានជីវភាពលំបាក ហើយកំពុងសិក្សាក្នុងឆ្នាំទី ៣ និង៤។ មូលធិនិនេះ ត្រូវបានបង្កើតឡើងក្នុងគោលបំណងចូលរួមក្នុងការអភិវឌ្ឍន៍វិស័យធនធានមនុស្សនៅសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច និងជាការលើកទឹកចិត្តដល់និស្សិតក្នុងការខិតខំរៀនសូត្របន្តទៀត។ ក្នុងនោះនិស្សិតម្នាក់ៗទទួលបានទឹកប្រាក់ចំនួន ៣៤០ USD (បីរយសែសិបដុល្លារអាមេរិក)។  ចាប់ពីឆ្នាំ ២០០៦មក និស្សិតដែលបានទទួលផ្ដល់ប្រាក់ឧបត្ថម្ភ ពី Mitsubishi UFJ Foundation គឺមានចំនួនសរុប ១៧០រូប ។

រាជធានីភ្នំពេញ៖ នាព្រឹក ថ្ងៃអង្គារ ២កើត ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២១ ខែកុម្ភៈ ឆ្នាំ២០២៣ គណ:គ្រប់គ្រងនៃសាកលវិទ្យាល័យភូមិន្ទនីតិសាស្រ្ដ និងវិទ្យាសាស្រ្ដសេដ្ឋកិច្ច ជាមួយនឹងគណៈប្រតិភូអញ្ជើញមកពីសាកលវិទ្យាល័យ Aix Marseille នៃប្រទេសបារាំង បានជួបពិភាក្សា ក្នុងគោលបំណងបង្កើតកិច្ចសហប្រតិបត្តិការរវាងគ្នានឹងគ្នា ទៅលើការផ្លាស់ប្ដូរការសិក្សារបស់និស្សិតសម្រាប់ថ្នាក់បរិញ្ញាបត្រជាន់ខ្ពស់។ កិច្ចប្រជុំនេះ មានការចូលរួមពី ឯកឧត្តមបណ្ឌិត លុយ ចណ្ណា សាកលវិទ្យាធិការនៃសាកលវិទ្យាល័យភូមិន្ទនីតិសាស្រ្ដ និងវិទ្យាសាស្រ្ដសេដ្ឋកិច្ច ព្រមទាំង សាកលវិទ្យាធិការរង លោក លោកស្រី ព្រឹទ្ធបុរស និងប្រធានការិយាល័យនៃសាកលវិទ្យាល័យភូមិន្ទនីតិសាស្រ្ដ និងវិទ្យាសាស្រ្ដសេដ្ឋកិច្ច ជាមួយនឹង Vice President in charge of IR and Dean of the Faculty of Law របស់សាកលវិទ្យាល័យ Aix Marseille នៃប្រទេសបារាំង។