កម្មវិធីថ្នាក់បរិញ្ញាបត្រជាន់ខ្ពស់នីតិសាស្រ្តសិក្សាជាភាសាអង់គេ្លស (English Language Based Master of Law (ELBML) Program) កំពុងបើកទទួលចុះឈ្មោះនិស្សិតដើម្បីប្រឡងចូលរៀនក្នុងកម្មវិធីសម្រាប់ឆ្នាំសិក្សាឆ្នាំ២០២២-២០២៣ ពីថ្ងៃនេះ រហូតដល់ថ្ងៃទី០៤ ខែតុលា ឆ្នាំ២០២២។ ការប្រឡងចូលរៀនក្នុងកម្មវិធីរួមមាន ការប្រឡងចំណេះដឹងផ្នែកច្បាប់ និងការប្រឡងចំណេះដឹងភាសាអង់គ្លេស។ កាលបរិច្ឆេទកាលប្រឡងលើកទី១៖ ថ្ងៃទី២០ ខែសីហា ឆ្នាំ២០២២ កាលបរិេច្ឆទថ្ងៃចូលរៀន៖ ថ្ងៃទី១៧ ខែតុលា ឆ្នាំ២០២២ ចុះឈ្មោះប្រឡងចូលរៀនក្នុងកម្មវិធី ELBML តាមរយៈ Link ខាងក្រោម៖​ https://forms.gle/EkJVuwSNiQeGRPXi6   សម្រាប់ពត៌មានបន្ថែម សូមទាក់ទងការិយាល័យ ELBML តាមរយៈ៖

• ទូរស័ព្ទលេខ៖ +855 16 643 699
• អ៊ីម៉ែល: info-elbml@elbbl.org
• Facebook: English Language Based Master of Law Program

នាព្រឹកថ្ងៃព្រហស្បតិ៍ ទី២៨ ខែកក្កដា ឆ្នាំ២០២២ ក្រោមកិច្ចសហការរវាងសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ជាមួយនិងក្រុមហ៊ុន MR Training and Jobs Center បានរៀបចំវគ្គបណ្តុះបណ្តាលជូនដល់និស្សិតនៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ក្នុងប្រធានបទ “មាគ៌ាសម្រាប់ការងារដំបូងរបស់ខ្ញុំ” ក្រោមអធិបតីភាព លោក ប៊ុន រស្មី សាកលវិទ្យាធិការរង រួមជាមួយលោកជំទាវ ងួន សូនី នាយិកាគ្រប់គ្រងហ៊ុន MR Training and Jobs Center និងដោយមានការចូលរួមជាគ្រូឧទ្ទេស អ្នកគ្រូ យ៉ុន្តា ម៉ូនីតា អមជាមួយគណៈគ្រប់គ្រងសាកលវិទ្យាល័យ ក្រុមការងារសហភាពសហព័ន្ធយុវជនកម្ពុជាប្រចាំសាកលវិទ្យាល័យ និងនិស្សិតជាច្រើនរូប។ វគ្គបណ្តុះបណ្តាលនេះរៀបចំឡើងក្នុងគោលបំណងតម្រង់ទិសនិស្សិតសម្រាប់ជ្រើសរើសជំនាញការងារនាថ្ងៃអនាគត និងបានអនុវត្តធ្វើការសម្ភាសន៍ការងារសាកល្បងសម្រាប់និស្សិតស្វែងយល់ និងត្រៀមខ្លួនដាក់ពាក្យរកការងារធ្វើនាថ្ងៃអនាគត។

ដាក់ពាក្យឥឡូវនេះ! ការដាក់ពាក្យប្រលងចូលរៀន ក្នុងកម្មវិធីសិក្សាអន្តរជាតិ ដែលទទួលបានសញ្ញាបត្រពីរផ្នែកសេដ្ឋកិច្ចនិងគ្រប់គ្រង សម្រាប់ឆ្នាំសិក្សា២០២២-២០២៣ ចាប់បើកហើយ។ មានកម្មវិធីសិក្សាថ្នាក់បរិញ្ញាបត្រចំនួន១ និងថ្នាក់បរិញ្ញាបត្រជាន់ខ្ពស់ចំនួន​២ សម្រាប់ជ្រើសរើស មានដូចជា៖

• ថ្នាក់បរិញ្ញាបត្រផ្នែកសេដ្ឋកិច្ចនិងគ្រប់គ្រង ទទួលបានសញ្ញាបត្រពីរ សហការជាមួយសាកលវិទ្យាល័យលីយ៉ុង២ (ប្រទេសបារាំង)។ មានជម្រើសចំនួនពីរដែលអាចជ្រើសរើស៖ ជម្រើសទី១ រៀនពីរភាសាគឺភាសាបារាំងនិងភាសាអង់គ្លេស និងជម្រើសទី២ រៀនជាភាសាអង់គ្លេស១០០%។ អាចមានឱកាសទទួលបានអាហារូបរណ៍រយៈពេល ៣ ឆ្នាំជាប់គ្នាពី Credit Bureau Cambodia (CBC)។​
• ថ្នាក់បរិញ្ញាបត្រជាន់ខ្ពស់ផ្នែកសហគ្រិនភាពនិងគ្រប់គ្រងគម្រោង ទទួលបានសញ្ញាបត្រពីរ សហការជាមួយសាកលវិទ្យាល័យលីយ៉ុង២ (ប្រទេសបារាំង)។ ថ្នាក់ពេលល្ងាច (ចាប់ពីម៉ោង៦ដល់៩ល្ងាច ពីថ្ងៃច័ន្ទ ដល់ ថ្ងៃសុក្រ)។ រៀនជាភាសាអង់គ្លេស១០០% ជាមួយអ្នកជំនាញក្នុងស្រុក និងសាស្ត្រាចារ្យមកពីប្រទេសបារាំង។ ក្រោមគម្រោង FoodSTEM ឯកទេសថ្មីមួយដែលមានឈ្មោះថា "សហគ្រិនភាពក្នុងវិស័យឧស្សាហកម្មម្ហូបអាហារ" នឹងបើកនៅខែតុលា ឆ្នាំ២០២២ សម្រាប់និស្សិតដែលបានចុះឈ្មោះចូលរៀននៅឆ្នាំទី១ នៃកម្មវិធីសិក្សានេះ!

• ថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងហានិភ័យក្នុងវិស័យធានារ៉ាប់រង ធនាគារ និងហិរញ្ញវត្ថុ ទទួលបានសញ្ញាបត្រពីរ សហការជាមួយសាកលវិទ្យាល័យណង់ (ប្រទេសបារាំង)។ ថ្នាក់ពេលល្ងាច (ចាប់ពីម៉ោង៦ដល់៩ល្ងាច ពីថ្ងៃច័ន្ទ ដល់ ថ្ងៃសុក្រ) ។ រៀនជាភាសាអង់គ្លេស១០០% ជាមួយអ្នកជំនាញក្នុងស្រុក និងសាស្ត្រាចារ្យមកពីប្រទេសបារាំង។

នៅថ្ងៃពុធ ទី27 ខែកក្កដា ឆ្នាំ2022 នាវេលាម៉ោង 3រសៀល សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ក្រោមអធិបតីភាព ឯកឧត្តម បណ្ឌិត លុយ ចណ្ណា សាកលវិទ្យាធិការ បានរៀបចំកិច្ចប្រជុំទទួល ស្វាគមន៍ នាយកថ្មី នៃអង្គការ អាអ៊ុយអែហ្វ (AUF) ប្រចាំតំបន់ អាស៊ី ប៉ាស៊ីហ្វិក លោកសាស្ត្រាចារ្យ ឡូរង់ សែមេ (Laurent Sermet)។ កិច្ចប្រជុំនេះក៏មានការចូលរួមពីលោកសាកលវិទ្យាធិការរង និងផ្នែកសហប្រតិបត្តិការបារាំងផងដែរ។

ថ្នាក់ទ្វេសញ្ញាបត្រផ្នែកនីតិសាស្រ្ត នៅស.ភ.ន.វ.ស បានចាប់ផ្តើមទទួលពាក្យពីបេក្ខជនហើយសម្រាប់ការចុះឈ្មោះ៖ ១. ថ្នាក់បរិញ្ញាបត្រនីតិសាស្រ្ត សិក្សាជាភាសាបារាំង សហការដៃគូជាមួយនឹងសាកលវិទ្យាល័យ Lumières Lyon II ២. ថ្នាក់បរិញ្ញាបត្រជាន់ខ្ពស់នីតិធុរកិច្ចអន្តរជាតិ សិក្សាជាភាសាអង់គ្លេស សហការដៃគូជាមួយនឹងសាកលវិទ្យាល័យ Libre de Bruxelles ៣. ថ្នាក់បរិញ្ញាបត្រជាន់ខ្ពស់នីតិអន្តរជាតិ និងសាធារណៈ សិក្សាជាភាសាអង់គ្លេស សហការដៃគូជាមួយនឹងសាកលវិទ្យាល័យ Paris 8 ៤. ថ្នាក់បរិញ្ញាបត្រជាន់ខ្ពស់នីតិភូមិបាល និងបេតិកភណ្ឌ សិក្សាជាភាសាខ្មែរ សហការដៃគូជាមួយនឹងសាកលវិទ្យាល័យ JEAN MOULIN LYON III ៥. ថ្នាក់បរិញ្ញាបត្រជាន់ខ្ពស់នីតិធុរកិច្ចអន្តរជាតិ សិក្សាជាភាសាបារាំង សហការដៃគូជាមួយនឹងសាកលវិទ្យាល័យ Panthéon-Assas Paris II; សញ្ញាបត្រទាំងនេះ គឺមានលក្ខណៈពិសេសនៅប្រទេសកម្ពុជា ដោយសារតែកត្តាខាងក្រោមនេះ៖ ១. ប​ន្ទាប់ពីបានបញ្ចប់ដោយជោគជ័យ និស្សិតនឹងទទួលបានសញ្ញាបត្រពីរ មួយបានពី​ ស.ភ.ន.វ.ស និងមួយទៀតបានមកពីសាកលវិទ្យាល័យដៃគូនៅអឺរ៉ុប ២. មហាវិទ្យាល័យផ្ទាល់មានលក្ខណៈអន្តរជាតិ ដោយមានការប្រមូលផ្តុំដោយសាស្រ្តចារ្យមកពីបណ្តាសាកលវិទ្យាល័យនៅអឺរ៉ុប និងអាមេរិកខាងជើង សូមចូលមើលវេបសាយរបស់យើង ដើម្បីទទួលបានព័ត៌មានកាន់តែច្បាស់៖https://ddprule.org/faculty/ ៣. មុខវិជ្ជាដែលរៀននៅទីនេះ គឺដូចទៅនឹងសាកលវិទ្យាល័យដៃគូផ្តល់អោយដល់និស្សិតនៅទីនោះ ៤. និស្សិតមានឱកាសទៅសិក្សានៅសាកលវិទ្យាល័យនៅអឺរ៉ុប ជារៀងរាល់ឆ្នាំ សូមចូលមើលវេបសាយរបស់យើង ដើម្បីទទួលបានព័ត៌មានបន្ថែមទៀតកាន់តែច្បាស់៖https://ddprule.org/dual-degrees-in-law/ ឬក៏អាចទាក់ទងដោយផ្ទាល់មកកាន់អ្នកសម្របសម្រួល តាមរយៈអ៊ីម៉េល french.program.rule2@gmail.com ឬតាមរយៈទូរសព្ទលេខ ០៦៩ ៩៩០ ១៩៧ /០៩៩ ៣៥ ៣៨ ៩៩៕

ASEAN Youth Volunteer Program Thailand 2022 is back again for its tenth year and 2022 will see the programme be virtually co-hosted by Chiang Mai University, in collaboration with the Association for University Social Engagement Thailand (EnT) and the U2T programme, Ministry of Higher Education, Science, Research and Innovation (MHESI) from 27 June – 08 July 2022 focusing on the thematic area of Community Development and Poverty Eradication. This programme was developed by Universiti Kebangsaan Malaysia (The National University of Malaysia - UKM), under the auspices of the Ministry of Youth and Sports Malaysia, with the support of the ASEAN Secretariat.

Apply now here: http://www.ayvpukm.com.my/

#eAYVPThailand2022

នៅព្រឹកថ្ងៃទី១៦ ខែមីនា ឯកឧត្តមបណ្ឌិត សុក ស៊ីផាន់ណា បានអញ្ជើញទៅទស្សនកិច្ច មកកាន់សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ដើម្បីប្រគល់សៀវភៅយ៉ាងច្រើនដល់ដេប៉ាតឹម៉ង់ច្បាប់ប្រចាំសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច រួមទាំងឯកសារសំខាន់ៗទាក់ទងនឹងច្បាប់ធុរកិច្ចនៅកម្ពុជាផងដែរ។ ឯកឧត្តមត្រូវបានទទួលស្វាគមន៍យ៉ាងរាក់ទាក់ ពីសំណាក់ លោក ប៊ុន រស្មី សាកលវិទ្យាធិការរង និងជាតំណាងដ៏ខ្ពង់ខ្ពស់របស់ឯកឧត្តម បណ្ឌិត លុយ ចណ្ណា សាកលវិទ្យាធិការ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។ លោក ប៊ុន រស្មីបានថ្លែងអំណរគុណដល់ឯកឧត្តម សុក ស៊ីផាន់ណា ចំពោះការបរិច្ចាគសៀវភៅនេះគឺពិតជារួមចំណែកក្នុងការពង្រឹងការអប់រំផ្នែកច្បាប់នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។ សៀវភៅនេះនឹងត្រូវបានផ្តល់ជូននិស្សិតរបស់យើងនៅបណ្ណាល័យ ក៏ដូចជានៅមជ្ឈមណ្ឌលសហប្រតិបត្តិការបារាំងផងដែរ។ ឯកឧត្តមបណ្ឌិត សុក ស៊ីផាន់ណា គឺជាម្ចាស់ជំនួយក្នុងកម្មវិធីអនុបណ្ឌិតប្រតិបត្តិសញ្ញាប័ត្រពីរផ្នែកច្បាប់ធុរកិច្ចអន្តរជាតិ ដែលរៀបចំរួមគ្នាជាមួយ សាកលវិទ្យាល័យ ULB តាំងពីឆ្នាំ ២០១៥ ហើយបានក្លាយជាអ្នកគាំទ្រដ៏មានតម្លៃនៃកម្មវិធីរបស់យើង។ សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច សូមថ្លែងអំណរគុណយ៉ាងជ្រាលជ្រៅបំផុតចំពោះការបរិច្ចាគ និងទន្ទឹងរង់ចាំស្វាគមន៍ ឯកឧត្តម នាពេលខាងមុខ។